Fágareive barggus lea ortnet gos muhtin guhte lea bargodilis sáhttá čađahit oahpahusa bargobáikkis ja čađahit fágareive dan vuođul.
Almmuhuvvon 08.10.2019 13.11
Maŋemusat rievdaduvvon 12.12.2023 09.41
Soahpamušáigodaga guhkodat lea das gitta guhte fága dat lea ja kandidáhtta ovddeš hárjehallan ja reálagelbbolašvuohta. Ulbmiljoavku lea ollesolbmot geat leat bargoeallimis ja geat leat čađahan vuođđoskuvlla dahje sullasaš oahppu. Ovdal go dahku fágareive barggus soahpamuš ferte kandidáhtas leat unnimus 1-jagi hárjehallan fágas ja dárbu bagadallamii ja oahpaheapmái ovdal go sáhttet čađahit fágageahččaleami.
Kandidáhtat galget čađahit seamma fága- dahje sváinnasreivvegeahččaleami go fidnooahppit ja čađahit daid seamma eksámeniid maid hárjehallikandidáhtat, vai olahit daid seamma gelbbolašvuođaid go eará fágabargit. Ovdal dieđiheami fágageahččaleapmái ferte kandidáhtta nákcen guovddášaddon fágaidrasttideaddji eksámena Js3-dásis oahppofágas.
- Kandidáhta ferte čađahan vuođđoskuvlla dahje sullasaččat
- Kandidáhtas ferte goit jagi leamašan máŋggabealálaš hárjehallan fágas olles virggis. Jus son lea bargan oasseáiggevirggis, de rievdaduvvo ollesvirgái. 80% virgi dohkkehuvvo ollesvirgin.
- Kandidáhta ferte leat bargodilálašvuođas dohkálaš oahppofitnodagas unnimusat 80% virggis šiehtadusáigodagas. Sierradilliin sáhttá unnit virgeproseanta árvvoštallojuvvot.
- Galgá dahkot fágareive barggus soahpamuš bargoaddiin ja kandidáhtas galgá leat dábálaš bálká olles soahpamušáigodaga. Soahpamuša galgá fylkkagielda dohkkejit. Oahppofitnodat oažžu soahpamušáigodagas vuođđodoarjaga 2.
- Guhkodat dábálaš oahppogearddis oahppofágas mii lea vuolggasadji buohkanas gáibádusaide bargohárjehallamii ja oahppamii ovdal fága-/ sváinnasreive. Eanaš fágain leat dát 4 jagi. Kandidáhta ovddeš bargohárjehallan dahje reálagelbbolašvuohta-árvvoštallan lea vuođđun go árvvoštallá soahpamušáiggi guhkkodaga. Gelbbolašvuođakártemin čielggada maid kandidáhtat máhttet ja man olu ohppui sis lea dárbu. Soahpamušáigi molsašuddá jagis gitta golbma jahkái olles virggis. Romssa ja Finnmárkku fylkkagielda dohkkeha soahpamušáiggi guhkkodaga.
- Kandidáhta ferte nákcet goavddášaddon fágaidrasttideaddji eksámena Js3 dásis oahppofágas ovdal dieđiheapmi fága-/sváinnasgeahččalepmái. Lea seamma eksámen maid hárjehallikandidáhtat fertejit nákcet ovdal go dieđihit fága-/ sváinnasreivegeahččaleapmái. Muhtin oahppofágan gáibiduvvo maiddái erenomáš eksámen vel lassin. Gávnna rivttes fága Oahppodirektoráhta neahttabáikkis.
- Ii leat gáibádus oktasašfágii dán ortnegis.
- Čielgadit bargoaddin háliidit go sii váikkuhit fágareive oahpposoahpamuššii barggus.
- Kárte iežat gelbbolašvuođa oahppofágas ja ráhkadit doaibmaoppalašgeahčastaga/CV
- Háhká áššáigullevaš gelbbolašvuođa duođaštusa ja bargoduogáža. Lea seamma duođaštus gáibádus hárjehállikandidáhttan.
- Háhká bargošiehtadusa duođaštusa.
- Fitnodat ferte leat dohkkehuvvon oahppofitnodat
- Oahppofitnodat váldá oktavuođa oahppokantuvrrain mas sii leat miellahttun. Jus eai leat miellahttun ovttage oahppokantuvrras de váldet njuolgga oktavuođa Oahppu fitnodagas juogusin
- Oahppokantuvra kárte gelbbolašvuođa ja ovttas oahppofitnodagain ráhkada evttohusa oahppoplánii mas fága oahppanplána lea vuođđun. Plánas ferte boahtit ovdán goas čađahuvvo fágaidrasttideaddji teoriijaeksámen.
- Oahppofitnodagas lea ovdavástádus teoriija ja praktihkalaš oahpaheapmái. Kandidáhtii galgá nammaduvvot fágalaš jođiheaddji geas lea ovdasvástádus čuovvulit oktagaslaš oahpaheamiplána. Jahkebealsagastallamat galget čađahuvvot nu go dábálaš fidnoohppiide.
- Oahppokantuvra váldq oktavuođa Oahppu fitnodagas juogusin ásahit fágareive bargu bokte duođaštusa Vigo:i. Oahppokantuvra bidjá buot duođaštusa Vigo Bedrift:i ovdal go fylkkagielda áššemeannuda.
- Dohkkeha oahpahus plána, árvvoštallá soahpamušáiggi ja dohkkeha fágareive barggus soahpamuša
- Bagadallet kandidáhta ja oahppofitnodaga dađistaga proseassas
- Mákset doarjaga oahppofitnodahkii