Ovttasbarggus fuolahuvvo čuovvovaš ortnegiid ja fierpmádagaid bokte:

• Ruhtadanprográmma BarentsKult doarju ovttasbarggu Barentsguovllus ja arvvosmahttá rájáid rasttideaddji kultuvrra davvin.
• Barentsráđi kulturbargojoavku (Working Group on Culture, WGC) láhčá praktihkalaš kulturovttasbargui rájáid rastá, ja movttiidahttá ođđafuomášumiid bokte gárgedit Barentsa guvllolaš dáidda- ja kultursuorggi.
• Artist-in-Residence-prográmma (dáiddár orohagas, A-i-R) addá vejolašvuođa dáiddáriidda ja earáide geat leat hutkkálaš bargguin, orostallat ja bargat eará báikkis go birrasiin maidda sii leat hárjánan. Fylkkagielda oamasta ja doaimmaha guosseateliera Čáhcesullos. Guosseateliera fállá orostallama dáiddáriidda, geat bohtet Barentsguovllus dahje guovllu olggobealde.