Nuppástuhttinstáhtus sáhttá eanemustá bistit guhtta jagi. Fylkkagielda mearrida geasa dát stáhtus addo.

Nuppástuhttinguovlluide lasihuvvo jahkásaččat foanda mii galgá geavahuvvot ovdánahttinbargguide. Gielddaide main lea nuppástuhttinstáhtus ii juolluduvvo gielddalaš ealáhusfoanda nuppástuhttináigodagas. Dát bargu mielddisbuktá maid ahte Innovasjon Norge ja fylkkagielda čuovvulahttá barggu lávggat.

Gávnnat dievasmahtti dieđuid nuppástuhttima birra neahttasiiddus regionalomstilling.no

Doaibma nuppástuhttimiin lea juhkkojuvvon njealji muddui:

1. Čielggadanmuddu
2. Strategiija ja šiehtadallanmuddu
3. Čađahanmuddu
4. Loahpahanmuddu

Geat sáhttet ohcat?

Gielddat dahje guovllut main lea:

• Ovttageardán ealáhusvuođđu mas leat erenoamáš stuorra nuppástuhttin- ja ođđahutkandoaimmat.
• Fáhkkatlaš dahje guhkilmas rievdamat bargomárkanis go guovddášfitnodagat heaittihuvvojit dahje go daid doaimmat geahpeduvvojit.
• Leat stuorra guhkesáiggi hástalusat ealáhuseallima ođđastruktureremiin dahje erenoamáš nuppástuhttindárbbut.

Eavttut stáhtalaš lassiáŋgiruššamii (fáhkkatlaš nuppástuhttindárbbut)

Eavttut vai stáhta sáhttá árvvoštallat veahkehit liigejuolludemiin leat:

• Berre leat mearkkašahtti geahpádus bargguiduhttimis njuolgat guovddášfitnodagas/ealáhusas 3-jagi áigodagas.
• Váldonjuolggadussan berre geahpádus dagahit unnimusat 15 proseantta oppalaš bargguiduhttimis gielddas.
• Čielga loguiguin berre heaittiheamis leat sáhka unnimusat 150 olbmos. Áibbas erenoamáš dilálašvuođain berre dattege árvvoštallat ahte sáhttágo dát lohku leat vuollegat smávva ja isolerejuvvon báikkiin.

Gáibádusat ohcamii nuppástuhttinstáhtusin

• Ohcan nuppástuhttinstáhtusin ferte earret eará sisttisdoallat: Duogášdieđuid manne háliida šaddat nuppástuhttingieldan, gielddalaš čanastupmi, čilgehus mo dilli lea gielddas ja čilgehus ja álkidahtton analysa erenoamáš hástalusain.

Doarjjadássi ja ruhtadeapmi nuppástuhttingielddaide

• Eanemustá 75 % dohkkehuvvon gollovuođus.
• Lea eaktun ahte gielddas lea 25 proseantta ieškapitála

Fylkkagieldda rolla nuppástuhttinbarggus

• Fylkkagielddat čuvvot ovdáneami gielddain ja sis lea erenoamáš ovddasvástádus almmustahttit hearkivuođa gielddain. Fylkkagielddat sáhttet álggahit servodatlaš váikkuhančielggadusaid hearkkes gielddaide.
• Váikkuhančielggadusa bohtosat ja ohcan gielddas galgá ovttas leat vuođus go árvvoštallá nuppástuhttinstáhtusa.
• Heivehit ovttas Innovasjon Norgiin vai nuppástuhttinbargu lea organiserejuvvon ja doaimmahuvvo ulbmillaš vuogi mielde (www.regionalomstilling.no)
• Jahkásaš plánaid čuovvulahttin ja dárkkisteapmi doaibmaplánaiguin ja čuovvovaččat ruhtajuolludemiiguin
• Čielggadeapmi GOD:in ovdáneami ja jahkásaš juolludemiid birra stáhtabušeahtas
• Ovddasvástádus evalueret go nuppástuhttinprošeavtta lea gaskkamuttus
• Fásta dárkojeaddjistáhtus nuppástuhttinstivrras